Азаматтарды 92 миллион теңгеге алаяқтықпен арбаған. Түркістан облысында осындай күдікке ілінген тұлға сотталды. Алаяқ 2023-2024 жылдар аралығында 23 жәбірленушіні Оңтүстік Корея мемлекетіне еңбек қызметін жүзеге асыру үшін жұмыс визасын жасап беремін деп алдау арқылы 92 020 000 теңге жымқырған.
Сот барысында мемлекеттік айыптаушы сотталушының кінәсін толық дәлелдеді. Ол 6 жыл мерзімге бас бостандығынан айырылды. Сондай-ақ, 23 жәбірленушілердің азаматтық талап қоюы қанағаттандырылды. Сот үкімі заңды күшіне енген жоқ.