Шымкент қаласында «Алтын сақа» олимпиадасының 3-4 сыныптар арасында аудандық іріктеу кезеңі өтті. Олимпиаданың басты ерекшелігі тегін әрі тǝуелсіз. Мұнда математика пәнінен балалардың логикасын ǝртүрлі қырынан бағалайтын бірегей тапсырмалар жүйесі ұсынылған.
Білім сайысы елімізде соңғы 8 жылдан бері өткізіліп келеді. Сондай-ақ 2021-2022 оқу жылында 54 мыңнан астам бала қатысқан. Зерек қатысушылардың бірі 4 сынып оқушысы Шыңғыс Тельман. Бұл олимпиадаға алғаш рет қатысып отыр, ұстазымен ұзақ уақыт дайындалып үздіктер қатарынан топ жарып шығатынына сенімді.
Бұл олимпиаданың берер мүмкіндігі мол дейді мамандар яғни: баланың дарынын ерте жастан анықтап қана қоймай, олимпиадалық резерв қалыптастыра алады. Қазіргі аудандық іріктеуге 1000-ға тарта жас математиктер бақтарын сынап жатса, осы жылы Шымкент қаласы бойынша мектепішілік кезеңге 3-6 сыныптан 20000 оқушы қатысып, 5 ауданннан іріктеу кезеңінен 1800 жас білімгер облыстық кезеңге өткен.
Алдағы уақытта ұйымдастырушы «Дарын» орталығы мен « Зерделі ақыл ой дамыту» мектебі бұл олимпиаданы халықаралық дǝрежеге жеткізуді жоспарлауда.