КҮРЕСТЕН ЕЛ ЧЕМПИОНАТЫ БАСТАЛДЫ
Түркістанда күрестен ел чемпионаты басталды. Шара Olympic Center спорт кешенінде шымылдық түрілді. Сайыпқырандар дзюдо, самбо және қазақ күресінен мықтыларды анықтауда.
Ел біріншілігіне еліміздің түкпір-түкпірінен келген 20 команда құрамында мыңға жуық спортшы қатысуда. Байрақты бәсекеде балуандар М1 жас санатынан бастап М9 санатына дейін сынға түсіп, әр жас деңгейінде 7 салмақ дәрежесі бойынша мықтылар анықталады.
Айта кетейік, бұл додада Түркістан облысының намысын қорғауға Самат Рысбеков, Нышанбай Құдайберген, Сәкен Рүстемов, Дінмұхамет Розметов сынды тәжірибелі спортшылармен қатар 30-ға жуық жерлесіміз қатысуда.
Жарыс қорытындысы бойынша жеңімпаздар мен жүлдегерлер күзде Босния және Герцеговинада өтетін әлем чемпионатына жолдама алады. Түркістан төріндегі тартысты бәсеке бес күнге жалғасады.