Райымбек Сейтметов атындағы Түркістан қаласының сазды-драма театры мерейлі 25-ші маусымның шымылдығын түрді. Жаңа маусым театрдың төлқұжатына айналған Вахапзаденің «Көк түріктер» қойлымымен ашылды. Іс-шараға зиялы қауым өкілдері де арнайы келіп тамашалады. Маусымашармен құттықтап, ізгі лебіздерін арнады.
Келушілерге театр жанынан ашылған Райымбек Сейтметов мұражай үйінен театрдың 25 жылдан бері келе жатқан құнды жәдігерлер мен алған марапаттары көрме ретінде ұсынылды. Ғимарат алдында жанды дауыстағы әсем шығармалар көпшілікке мерекелік көңіл-күй сыйлады. «Көк түріктер»  тарихи трагедиясы заманымыздағы 630 жылы Қытай империясы жеңіліске ұшыратқан I Көк Түрік Қағанатының ұлт азаттық күресін суреттейді. Бұл тарихи қойылымда Қытайдың саясаты түркі қағанатының ішінен іріткі салып, билік, мансап үшін бауырлас адамдар бір-бірінің қанын төгуге дейін барады. Қытай империясы қулық, айлакерліктің  арқасында  ешқашан жеңілістің ащы дәмін татпаған, ұлы Көк Түрік  қағанатына шабуыл жасап орасан зор зардап әкеледі. Алайда ауызбіршілік пен ынтымақтың арқасында Көк түрік мемлекеті өзінің елдігін сақтап қалады. Қойылымды алғаш рет қазақ театр өнерінің майталманы, ҚР Еңбек сіңірген әртісі, ҚР Халық әртісі, Тәуелсіз «Платиналы Тарлан» сыйлығының бас жүлдегері, профессор Райымбек Сейтметов сахналаған.

Театр  аталған қойылыммен 2000 жылы Алматы қаласында өткен «Европа бірлігі» фестиваліне қатысқан. Бірінші күні елдің атынан Б. Вахапзаденің «Көк түріктер» спектаклін ойнаса, екінші күні Түркия мемлекетінің арнайы өтінішімен спектакль түрік тілінде сахналанды.