Түркістанда ПД бастығы мен жас сақшылар 101 жастағы ардагердің үйіне барып қайтты. Соғыс ардагері небәрі 8 жасында майдан даласына аттанған. Жеңістің 80 жылдығы – тарихпен тілдесіп, жүректі рухтандыратын үлкен белес.
Сұрапыл соғыс даласында кеудесін оққа тосқан Қалмен Мұратұлы 1924 жылы өмірге келген. Майданда неміс басқыншыларымен ұрысқа түскен ол, 1944 жылдың ақпан айында Витебск қаласының маңында болған қырғын соғыста сол қолынан жараланып, госпитальға жіберілген. Содан елге ІІ топтағы мүгедек болып оралды. Кездесуге келген жас сақшыларға ардагер өзінің оқиғасын айтып, батасын берді. Жас ұрпаққа өнеге, келер ұрпаққа ұмытылмас тарих, сұрапыл соғыстағы ерлігі тарихта алтын әріппен жазылған ақсақал бүгінде 101 жаста. Өмірлік жұбайы екеуі 6 ұл, 2 қыз тәрбиелеп өсірген. Олардан 32 немере, 85 шөбере сүйіп отыр. Түркістан облыстық ПД бастығы ғасыр жасаған майдангердің деніне саулық, отбасына амандық, құт береке тілеп, сый-сияпатын табыстады. Өзінің өнегелі әңгімелерін жас сақшыларға арнаған қария, генерал бастаған ұжымға алғысын білдірді.