Мемлекет басшысының Жолдауы ел дамуының жаңа бағытын айқындап берді. Онда экономикалық өрлеу, әлеуметтік тұрақтылық, білім мен ғылымды дамыту, сондай-ақ цифрландыру мен инновацияны күшейту мәселелері басты назарға алынған. Бұл бастамалар қоғамның әр саласына серпін беріп, халықтың әл-ауқатын арттыруға бағытталып отыр.
Жолдауда әлеуметтік әділдік қағидатын сақтау, ең төменгі жалақы мөлшерін кезең-кезеңімен арттыру, зейнетақы мен жәрдемақыларды индекстеу сияқты нақты шаралар көрсетілген. Азаматтардың тұрмыс сапасын жақсарту мен жастардың еңбек нарығында өз орнын табуына жағдай жасау – әлеуметтік саясаттың өзегі.
Білім беру жүйесін жетілдіру, ұстаз мәртебесін арттыру және кәсіби-техникалық білімді күшейту мәселелері ерекше мәнге ие. Президент жас ұрпақтың әлемдік деңгейде білім алуына мүмкіндік жасау қажеттігін атап өткен. Бұл – адами капиталды дамытудың ең тиімді жолы.
Индустрия мен ауыл шаруашылығын цифрландыру, жасанды интеллектті енгізу, жас кәсіпкерлерге қолдау көрсету – экономикалық өсудің басты бағыттары. Шағын және орта бизнесті қолдау шаралары ел экономикасына жаңа тыныс береді.
Жолдауда әйелдердің мемлекеттік қызметке, кәсіпкерлікке белсенді араласуы, олардың қаржылық сауаттылығын арттыру мәселесі де назардан тыс қалған жоқ. Сондай-ақ жастарды ел дамуының қозғаушы күші ретінде қолдау – болашаққа салынған инвестиция.
Мемлекет әлеуметтік қолдауды қажет ететін азаматтарға нақты көмек көрсетуді жалғастыра отырып, еңбек етуге ынталандыратын жаңа тетіктерді енгізуде. Масылдық психологиядан арылып, еңбек пен жауапкершілікті жоғары қою – қоғам дамуының негізгі шарты.
Цифрлық технологияларды өмірдің барлық саласына енгізу елдің басқару жүйесін жеңілдетіп, халыққа қызмет көрсетудің сапасын арттырады. Жасанды интеллект, “ақылды қала” және электрондық үкімет жобалары азаматтардың өмірін ыңғайлы әрі қауіпсіз етуге бағытталған.