Президент Қасым-Жомарт Тоқаев өз мәлімдемесінде ел экономикасының жаңа тұғырын қалыптастыруды мықтап қолға алу керектігін айтты. Оның ішінде әсіресе, кәсіпкерлік саласына көптеп қолдау көрсетілетінін жеткізді.
Қасым-Жомарт Тоқаев – Қазақстан Республикасының Президенті
Экономикалық саясатымыздың мақсаты – айқын. Бұл – заман талабына сай әлеуметтік бағдары бар нарықтық экономика құру және дамыту. Бұл жүйенің өзегінде қоғам алдындағы жауапкершілігін сезіне білетін кәсіпкерлеріміздің ауқымды тобы тұратыны анық. Яғни, бұл – өзінің және балаларының тағдырын Қазақстанмен ғана байланыстыратын кәсіпкерлер. Дәл осындай кәсіпкерлер ел болашағы үшін өзіне жауапкершілік алуға дайын. Сол себепті, кәсіпкерлікті дамыту үшін жүйелі жұмыс атқару өте маңызды. Мен бизнеске түскен бюрократиялық салмақты айтарлықтай азайтып, оныңөсіп-өркендеуіне жол ашатын заңға қол қойдым. Үкімет осы заңның әлеуетін нақты іс жүзінде пайдалануы қажет.
Шағын және орта кәсіпкерлікті дамыту - экономикалық өрлеудің және әлеуметтік-саяси жаңғыртудың басты құралы болары сөзсіз. Осы салаға көңіл бөлу арқылы жұмыссыздар қатарын азайту сынды мәселелердің түйінін тарқатуға болады. Ал, еліміздегі шағын және орта кәсіпкерлікті орнықты дамыту үшін цифрлы технологияларды қолдану мүмкіндіктерін кеңінен пайдалану қажет, - дейді Шымкенттік экономистер.
Парида Байнеева – экономист
Сондай-ақ, қаламыздың экономикалық ахуалын арттыру үшін алдымен, Шымкенттегі көлік және логистика, инжиниринг, білім беру, медицина, туризм салаларына көңіл бөлген абзал екендігін айтады. Ал, көлеңкелі экономикамен күресте кәсібін енді ғана бастаған тұрғындарға қолдау басым болса, - дейді. Себебі, көлеңкелі экономика мәселесі шешілсе, ашықтық арқылы ел экономикасының даму үрдісін көруге мүмкіндік бар екендігін айтады.
Парида Байнеева – экономист
Перизат Ортай