АҚСАҚАЛДАР ЕЛ БІРЛІГІ МЕН ТАТУЛЫҒЫН НАСИХАТТАДЫ

Отырар ауданында Қазақстан халқы Ассамблеясы жанындағы Ақсақалдар мен Аналар кеңестерінің көшпелі отырысы өтті. Кездесуде «Татулық пен келісім – халық даналығының мәңгілік аманаты», «Ел қауіпсіздігі – тыныштық пен тұрақтылықтың кепілі» тақырыптары сөз болды.

Ардагерлер елдің ынтымағы мен бірлігін сақтау мақсатындағы өз ойларымен бөлісіп, ашық диалог орнатты. Аға буын жас буынға бағыт-бағдар көрсетіп, жөн сілтеді. Үлгі-өнеге болар ғибратты әңгімерін айтты. Басты мақсат қоғам қауіпсіздігін нығайтып, келеңсіз жағдаяттар мен арандатушылықтың алдын алу. Жас буынға салауатты өмір салтын насихаттап, ел бірлігін бекемдеу болды.