«МИЛЛИОНДАР БОПСАЛАДЫ» ДЕГЕН КҮДІКТІГЕ ҚАТЫСТЫ СОТ ОТЫРЫСЫ БАСТАЛДЫ
Шымкентте бұрынғы орган қызметкеріне қатысты сот отырысы басталды. Ауыр дәрежедегі қылмыс деп танылған істе күдікті жәбірленушілерден 9 миллион теңгеге жуық қаржы бопсалаған дейді.
Мемлекеттік айыптаушының ақпаратынша, пайдакүнемдік, заңсыз баю мақсатында күдікті А. есімді азамат ерлі-зайыптыдан қаржы бопсалаған. Өзін полиция департаментінде жұмыс істеймін деп таныстырып, алдау жолымен ақша талап еткен. Тіпті қоқан-лоққы көрсетіп, кездесуге тапанша мен гранат алып келді дейді жәбірленушілер. Сот отырысы бүгін басталып еді. Алайда, жиын жарыссөзсіз аяқталды. Оған себеп - тараптардың соттағы аудармашының кәсібиілігіне күмән туғызғаны. Осылайша, 5 айға созылған тергеу ісінде сот отырысы кейінге қалдырылды.