Шымкентте құрылғанына 60 жылдан асқан әскери бөлім жұмыс істейді. Ұлттық Ұланның 6506 әскери бөлімін білмейтіндер кемде кем. Еліміздің қауіпсіздігін қамтамасыз ету, құқық тәртібін қорғау және азаматтардың тыныштығын сақтау мақсатында құрылған бұл ұжым қаһармандарымен көпке үлгі.
Азамат Ахметов иттермен жұмыс істеп, оларды тәрбиелеп, баптайтын және арнайы міндеттерді орындауға үйрететін кәсіби маман. Жануарлармен, әсіресе иттермен жұмыс істеу саласында үлкен тәжірибеге ие. Оның басты мақсаты - иттердің мінез-құлқын зерттеу және оларды түрлі қызметтік міндеттерге үйрету. Із кесуші итінің лақап аты Сармат.
6506 әскери бөлімі кәсіби мамандардан жасақталған ұжым. Әрбір әскери қызметші өз борышын өтеу барысында жоғары моральдік және кәсіби стандарттарды ұстанады. Мұнда еліміздің түкпір-түкпірінен келген жас сарбаздар Отан алдындағы борышын өтеп жатыр.
Бүгінде 6506 әскери бөлімі ел қауіпсіздігінің қалқанына айналды. Елдегі қоғамдық тәртіпті сақтау, стратегиялық маңызды нысанды қорғау, азаматтардың қауіпсіздігін қамтамасыз етуде маңызды рөл атқарады. Бұл әскери бөлім сарбаздары түрлі төтенше жағдайларда, соның ішінде жаппай тәртіпсіздікті болдырмау, лаңкестікке қарсы операцияларға қатысу, қылмыскерлерді конвоирлеу сияқты жауапты міндеттерді алып жүр. //14,01, улжан сарбаз//