Биылғы білім гранты иегерлерінің толық тізімі жарияланды. Биыл елімізде білім гранттарын алуға 75 430 адам қатысты. Олардың 60327-сі қазақ тілінде, 14 810-ы орыс тілінде және 293-і ағылшын тілінде білім алғандар. Мұның алдында министрлік өкілдері білім беру гранттарының мамандықтар бойынша тізімін жариялаған болатын. Ведомство мәліметінше, 2018-2019 оқу жылына жоғары білімі бар мамандарды даярлауға 53 594 грант, магистрлерді даярлауға 12 504 грант, PhD докторларын даярлауға 2 240 грант бөлінгені айтылады. Еске сала кетейік, былтыр 2017 жылы 37 932 білім гранты берілген болатын. Оның ішінде 35 082 грант - 1 курсқа қабылдау үшін (күндізгі оқу нысаны бойынша - 34 782, сырттай оқу нысаны бойынша - 300 грант), 2850 грант - жоғары оқу орындарының дайындық бөлімдері үшін бөлінген еді.
Мемлекеттік грант иегерлерінің тізімімен танысу үшін МЫНА СІЛТЕМЕГЕ өтіңіз.