Шымкентте қайтарымсыз грантқа өтінімдер қабылдау басталды. Мамырдың 20-31 аралығында өтінімдер қабылданып жатыр. Қайтарымсыз қаржы қай санаттағы азаматтарға беріледі? Бұл жайында қалалық жұмыспен қамту және әлеуметтік қорғау басқармасы басшысы Жанат Өтебаева БАҚ өкілдеріне баяндады.
Грантқа өтінім беру үшін төмендегі санат қатарында болуы қажет. Оларға – атаулы әлеуметтік көмек алушы отбасылар, көп балалы, оның ішінде балалардың ең үлкені 23 жасқа дейін жоғары оқу орны мен арнаулы орта кәсіптік колледжд студенті ретінде жәрдемақы алушы отбасылар болуы шарт. Сонымен қатар асыраушысынан айырылған жағдайда төленетін әлеуметтік жәрдемақыларды алушылар, қоныс аударушылар, қандастар, еңбекке қарсы көрсетілімдері жоқ мүгедектігі бар адамдар және мүгедектігі бар бала тәрбиелеп отырған отбасылар кіреді.
Халықтың осал тобындағы азаматтар қайтарымсыз грант қаржысына шағын кәсіпкерілігін бастап, немесе дамытып, өзінің әлеуметтік жағдайын жақсартуға мүмкіндік береді. Қайтарымсыз грант қаржысы бір рет беріледі. Оның нысаналы мақсаты бойынша – қажетті еңбек құралдарын сатып алуға және технологиялық жабдықты, жануарларды, малды, құстарды, көшеттер, бұталарды, тұқымдарды, көшеттерді сатып алуға жұмсалуы тиіс. Берілетін қайтарымсыз қаржының көлемі 400 АЕК яғни 1 млн 476 мың теңге.
Грантқа үміткерлер, яғни халықты осал тобына жататын азаматтар бірінші кезекте – «Бастау Бизнес» жобасы бойынша кәсіпкерлік негіздері бойынша оқып, арнайы куәлік алуы тиіс. Алынған куәлік 3 жыл мерзімге жарамды. Екіншіден – ҚР Еңбек және халықты әлеуметтік тарапынан әзірленген «Business.enbek.kz» порталы арқылы онлайн режимінде өтінім ұсынуы тиіс. Биылғы жоспар бойынша грант қаржысы екі лекте беріледі. Алғашқы лекте 213 адамға және екінші лекте де 213 адам қайтарымсыз грант беріледі. Айтқандай қаржы мақсатты жұмсалу керек. Олай болмаған жағдайда мемлекет қаржыны қайтып өндіреді.