МЕРДІГЕРЛЕРДЕН МЕЗІ БОЛҒАН

Аудан әкімдіктері мердігер мекемелердің салғырттығынан жапа шегіп отыр. Халыққа уәде етілген көп жұмыс компаниялардың жауапсыздығынан аяқсыз қалып жатады. Мәселен Әл-Фараби ауданында 500-дей қоқыс жәшігі уақытылы жеткізілмей қалған. Балалар алаңшаларындағы құрылыстың сапасына қатысты сын да көп.

ПЕРИЗАТ БИНАЗАРҚЫЗЫ – ТІЛШІ: 

Әл-Фараби ауданы қаланың қақ ортасында орналасқан. Сондықтан осы маңда көпқабаты үйлер көп. Ауданда атқарылып жатқан жұмыс қарқынды. Мамандар жыл соңына дейін 70 ауланы абаттандырып, 20-дан астам үйдің қасбетін әрлейміз деп отыр.

Қала орталығындағы үйлердің сыртқы қабатын жарықтандыру ісі де нәтижелі. Биыл 118 көше жарықтандырылып, 114 орынға бейнебақылау камерасы орнатылады. Орталық 38 көшенің 4-еуіне күрделі, 30-на ағымдағы жөндеу жұмыстары жүргізілмек.

 ПЕРИЗАТ БИНАЗАРҚЫЗЫ – ТІЛШІ:

Әл-Фараби ауданыны аумағында 3 гүлзар салынады. Олар Диваева, Жандосов көшелерінде орналаспақ. Орталық көшелерді күтіп ұстау ісінде коммуналдық мекемелердің көмегі орасан. Ел аумағында қолға алынған «Таза Қазақстан» акциясын жүйелі атқаруға осы мекемелер көп күш салған.