Сенбі күні қаламамызда OPEN AIR форматында қос концерт өтті. Дәстүрге айналған әр аптаның сенбі күнінде өтетін мәдениет кешін «Шымкент-концерт» ұйымы өткізді. Шарада мәдениет қызметкерлері өнер көрсетіп, келушілердің көңілін көтерді.
НҰРҒИСА АБДИЖАЛЕЛОВ, ТІЛШІ:
Шымкент қаласында «Шымқала кештері» науқаны аясында концерттер жалғасуда. Бүгін кезекті ашық аспан астындағы әдеттегідей бір саябақта ғана өткен жоқ. Бұл жолы үшінші мегаполистің халқы концерт бағдарламасын бірнеше саябақта тамашалай алды. Күн ұясына батқанда - Шымкенттік өнерпаздар сахнаға шыға бастады. Кеште эстрада әншілері өнер көрсетіп, халықты қуантты. Тәуелсіздік саябағында концерт алғаш рет болып жатса да, көрермендердің саны жеткілікті болды. Әнсүйер қауым бірі қосылып ән айтса, енді бірі би биледі.
МАҚСАТ ЕЛУБАЙҰЛЫ – ШЫМКЕНТ-КОНЦЕРТ ҰЙЫМЫНЫҢ МУЗЫКАЛЫҚ ЖЕТЕКШІСІ
-Бүгінгі кештерде өнер көрсететін «Шымкент-концерт» концерттік ұйымының әншілері. Оразәлі Жаңабай деген дәстүрлі әнші, эстрада әншілерінен Асыл Жандәулетов әнші жігіттері бастаған әншілер қызмет етеді бүгінгі кештерде.
Бір уақытта екі саябақта өткен концерттің екінші бөлімі Шымситиде ұйымдастырылды. Дәстүрлі кешті көруге арнайы келген қонақтар арасында Майра Жаппарова да бар. Қызылорда облысының тұрғыны шырайлы қаланың өзгергеніне дән риза.
МАЙРА ЖАППАРОВА – ҚЫЗЫЛОРДА ОБЛЫСЫНЫҢ ТҰРҒЫНЫ
-жалпы бүгінгі концерт өте жақсы деңгейде өтті. Маған өзіме қатты ұнады.
Іс-шара әр апта әр саябақта халықтың өнерге деген махаббатын оятып, өнермен сусындату мақсатында өткізіліп жатыр. Ұйымдастырушылар: «Шетелдің әншілерін емес, жергілікті таланттарды дәріптеу керек”,- дейді.
ЖАНДОС АППАЗОВ – ШЫМКЕНТ-КОНЦЕРТ ҰЙЫМЫНЫҢ ДИРЕКТОРЫНЫҢ ОРЫНБАСАРЫ
-Шымқала кештері атты осындай керемет, халыққа өнермен сусындату мақсатында, осындай керемет парк зоналарында концерт беріп жатырмыз. Бүгін кезекті концертіміз өтті, Шымсити паркінде. Халқымыздың мәдениетке деген көзқарасын өзгерту мақсатында. Шетелдің әншілерін емес, өзіміздің әншілерді, осы Шымкент қаласының әншілерін дәріптеу мақсатында ұйымдастырылып отырған іс-шара.
OPEN AIR форматында өтіп жатқан «Шымқала кештері» күн суығанға дейін жалғасады.