Б.САТТАРХАНОВТЫ ЕСКЕ АЛУҒА АРНАЛҒАН ХІХ ХАЛЫҚАРАЛЫҚ ТУРНИР БАСТАЛДЫ

Түркістанда Бекзат Саттархановты еске алуға арналған турнир басталды. Жасөспірімдер арасындағы бокс бәсекесіне елі іші мен шет елдерден 300-ге тарта жас спортшы қатысуда. Болашақ чемпиондарды тәрбиелеп, әлемдік аренаға дайындау мақсатындағы турнирге біздің тілшілер де қатысып қайтты.
Қазақтың мақтанышы Бекзат Саттархановты эеске алуға арналған турнир 19-шы рет ұйымдастырылып отыр. Олимпиада чемпионының бесігін тербеткен қасиетті мекендегі шараға Бекзаттың ата-анасы арнайы қатысып, ұлдарының ізін жалғап келе жатқан саңлақтарға сәттілік тіледі.
СЫРЛЫКҮЛ АДЫРБЕКҚЫЗЫ, Б.САТТАРХАНОВТЫҢ АНАСЫ
- Үлгі, өнеге, тәлім-тәрбиеге негізделген бүгінгі жиын Бекзаттың ізбасарларын дайындауға мол мүмкіндік береді. Қазақтың балалары мықты, олар кез-келген бәсекеде топ жаратынына сенім мол.
Халықаралық турнирге Өзбекстан, Қырғызстан Республикаларымен қатар, Шымкент, Алматы, Астана қалалалыранан, Қызылорда, Жамбыл, Ұлытау, Маңғыстау, Ақтөбе облыстарынан 300-ге тарта боксшылар қатысты. Сайдың тасындай іріктелген спортшылардың аяқалысы да қарқынды.
 НҰРБОЛАТ САПАРБАЙ, «ҰЛЫТАУ» ҚҰРАМАСЫНЫҢ БАПКЕРІ
Турнир жоғары деңгейде өтіп жатыр. мен Ұлытау облысынеан 30-ға тарта бала алыпк еліп отырмын. Олар осы бокстан болашақ чемпиондар. Бүгінгі бәсекеде де жоғары көрсеткішке қол жеткіземіз,-деп ойлаймын.
 Қазақтың атын әлемге танытып, олимпиадада топ жарған Бекзат Саттарханов «Мен әлі 2-3 рет чемпион боламын»,-деген. Боксшының осы уәдесін ізбасарлары орындап үлгерді. 19-шы турнирде бақ сынаған саңлақтар да сол Бекзат салған жолды жалғаушылар.