ЖАҢАДАН ТАҒАЙЫНДАЛҒАН ӘКІМ ТҰРҒЫНДАРМЕН КЕЗДЕСТІ

Түркістан қаласының әкімі «Сауран» және «Бекзат» секторы тұрғындарымен кездесті. Жиынға жүздеген адам келген. Шаһар басшысы тұрғын алаптардағы электр желісі, кәріз жүйесі, көгалдандыру, сондай-ақ, қоғамдық көлік пен білім саласына қатысты бірқатар мәселелерді тыңдады.
 Аталған тұрғын алаптардың халқы жақын маңайдан мектеп пен емхана қажеттілігін жеткізді. Сондай-ақ мұндағы тұрғындарды көшелердегі көгалдандыру жұмыстары мен қаңғыбас иттерден келетін қауіп те алаңдатып отыр. Сонымен қатар кәріз жүйесін ретке келтіріп, көшелерге асфальт төсеп, бағдаршам орнатуды сұрайды. Халықтың талап-тілегін тыңдаған Әзімбек Пазылбекұлы тиісті мекеме басшыларына ескерту жасап, мәселені шешуге тапсырма берді.  Өзге де мәселелер бойынша жауап берген қала әкімі жұмыстың кезең-кезеңімен жүзеге асырылатынын айтып, орындалуын өз бақылауына алатынын айтты. Бұған дейін шаһар басшысы «Бірлік», «Отырар», «Шауғар»,  «Яссы» секторы тұрғындарымен кездесіп, мәселелерін тыңдаған болатын.