ЕҢБЕКШІ АУДАНЫНЫҢ ПОЛИЦЕЙЛЕРІ АШЫҚ ЕСІК КҮНІН ӨТКІЗДІ
Кәмелетке толмағандар арасындағы құқықбұзушылықтардың алдын алу және олардың құқықтық сауаттылығын арттыру мақсатында ашық есік күні өтті. Білім беру ұйымдарының оқушылары үшін ұйымдастырылған іс-шараның өтуіне Еңбекші аудандық полиция басқармасы ұйытқы болды.
Іс-шараға Тынышбаев атындағы теміржол колледжі мен «Достық» колледжінің студенттері және жалпы білім беру ұйымдарының оқушылары қатысты. 200-ге жуық білім алушы қатысқан шарада жасөспірімдер Еңбекші ауданы полиция басқармасының ғимараты, криминалды полиция, анықтау, тергеу бөлімдерінің қызметтік міндеттері, жедел-криминалистика бөлімінің құрылғылары, кезекші бөлімнің жұмыстары, ішкі істер органының арнайы құралдары мен автокөліктерімен танысты. Сондай-ақ сала мамандары түсіндірме жұмысын жүргізді.