КҮН ЖЫЛЫП, ШЫМКЕНТТІКТЕР ЖАППАЙ ЖАТТЫҒУҒА ШЫҚТЫ

Оңтүстік өңірде келер аптаның соңына дейін 22 градусқа дейін ыстық болады. Қазгидромет осылай деп болжап отыр. Шымкентте де 2-3 күннен бері ауа райы жылып, көктем келіп үлгерді. Шаһардағы 10 саябақта ерекше акция өтті. Тұрғындар жаппай таңғы жаттығуға шығып, салауатты өмір салтын насихаттады.

 Исраил Балтабаев таңғы 6-да үйінің жанындағы саябаққа келіп, шынығады. Мүмкіндігінше отбасы мүшелерін де ертіп алады. Күн көзі қызғанша бой жазып, көңіл көтереді. Ең бастысы – салауатты өмір салты денсаулықты нығайтады - дейді.

ИСРАИЛ БАЛТАБАЕВ, ҚАЛА ТҰРҒЫНЫ     

//Таңертең мына жақтан жүгіріп келеміз, круг жасаймыз. Қанайналым жақсарады, денсаулық нығаяды. Бір-екі ауруым бар енді, жасым 73-ке келді. Келіншегім екеуміз келеміз, жаттығамыз, мәз боп қайтамыз//

Бұл акция 6 ай бұрын басталған. Шаһардағы 10 саябақта бір мезетте өткізіледі. Арнайы бағдарламасы да бар. Басты басымдық зейнеткерлердің денсаулығына, жастардың жақсы әдет қалыптастыруына беріледі.

ЕРЖІГІТ АХМЕТҰЛЫ, ДЕНЕ ШЫНЫҚТЫРУ ЖӘНЕ СПОРТ БАСҚАРМАСЫНЫҢ БӨЛІМ МАМАНЫ   

                    //Біз қатты күш салатын жаттығуды жасатпаймыз. Бой сергіту, бойды созу жаттығуларын жасаймыз. Қантты реттейтін, қан қысымын реттейтін жаттығуларды жасатамыз. Одан кейін созыламыз//

 Зерттеулерге сүйенсек, шымкенттіктер жартысына жуығы салауатты өмір салтын ұстанады. Бұл – тұрғындардың 42%-ы және олар спортпен жүйелі түрде шұғылданады. Қазір үшінші мегаполисте спорттың 74 түрін қамтитын 33 дене шынықтыру ұйымы жұмыс істеп тұр.