ІІМ жолда қауіпсіздік шараларын қатаң сақтауға шақырады. Жол бойында асықпай жүру, қолды қалтаға салмау және әр қадамға мұқият мән беру маңызды. Сондай-ақ, Қазақстан ТЖМ азаматтарды сақтық шараларын сақтауға, дауылды ескертулерді қадағалауға және қолайсыз ауа райы жағдайында алыс сапарларға шықпауға шақырады. Ауыл тұрғындарына ауа-райының нашарлауы жағдайында ұзақ серуендеуден бас тарту ұсынылады.
Жаяу жүргіншілер — жол қозғалысының ең маңызды әрі осал қатысушыларының бірі. Олардың қауіпсіздігі тек жол бойында ғана емес, жаяу жүргіншілер жолдары мен арнайы аймақтарда да ерекше назарда болуға тиіс. Жолды тек жаяу жүргіншілер өткелі арқылы, көлік құралдарының толық тоқтағанына көз жеткізгеннен кейін ғана кесіп өтіңіз. Жолдан өту кезінде телефон мен құлаққапты пайдаланбаңыз. Өзіңізді және жақындарыңызды қорғаңыз.
Ауа-райының нашарлауы туралы дауылды ескертулер мен автожолдардың жабылуы туралы хабарламалар СМС-хабарламалар, интернет-ресурстар және әлеуметтік желілер арқылы халыққа жеткізіледі. Төтенше жағдайлар министрлігі халықтың назарын қысқы кезеңде әлі қатпаған мұзға шығу қаупі туралы ескертеді және су айдындарында болған кезде қауіпсіздік шараларын қатаң сақтауды ұсынады.
Қысқы кезеңдегі төтенше жағдайларға жедел ден қою мақсатында 44 мыңнан астам адам және 14 мыңнан астам техника бар күштер мен құралдар тобы дайындалды. Ел өңірлерінде 1 681 жылыту пункті дайындалды. Сонымен қатар ТЖМ 40 трассалық медициналық-құтқару пункті жылыту пункттері ретінде пайдаланылатын болады.