ТӨТЕНШЕЛІКТЕР ҚЫС МАУСЫМЫНА ДАЙЫН БА?
Төтенше жағдайлар депаратменті қыста болуы мүмкін оқыс-оқиғаларға қаншалықты дайын? Бүгін Шымкентте таң атысымен "Қыс-2022" республикалық командалық-штабтық оқу-жаттығуы өтті. Онда коммуналдық және арнайы техникалардың дайындығы тексерілді.
Шымкентте қыс маусымында болуы мүмкін табиғи және техногендік сипаттағы апаттарға төтеншеліктер 100 процент дайын. Қаладағы Астана алаңында өткен оқу-жаттығу жиынында Азаматтық қорғау органдарының, коммункалдық қызметтер мен төтенше жағдайлар департаментінің техникалары сақадай сай екенін айтылды. Жалпы, Шымкент шаһарында алдағы қыс мезігіліндегі қар тазалау жұмысына 800-ге жуық қызметкер жұмылдырылады.
Департамент басшысы сонымен бірге бүгін таңғы сағат 8-ден бастап қаладағы көпқабатты үйлер мен ғимараттардағы халықты құлақтандыру жүйесі тексеріліп жатқанын айтты. Тұрғындар мен қала қонақтарынан дабыл кезінде алаңдамауын сұрады.
"Қыс-2022" республикалық командалық-штабтық оқу-жаттығуы барысында практикалық іс-шаралар өткізілді. Төтенше жағдайлар департаменті қыста үшінші мегополисте апаттық жағдай бола қалса, дайынбыз деді. Қар тазалау, тасу техникалары дайын, құм, тұз сияқты материалдар да қорда жеткіліті деңгейде бар екені хабарлады.