Шымкентте заңсыз лотерея ұйымдастырған азаматша ұсталды. Ол әлеуметтік желі арқылы пайда таппақ болған.

Ұтыс ретінде «Toyota Land Cruiser Prado» маркалы автокөлігі мен Samsung, IPhone, Redmi смартфондарын, сондай-ақ, зергерлік бұйымдар және тұрмыстық техника қойылған. Билет сату кезінде белсенді жарнаманы жүзеге асырған пысықай келіншек, 1 данасын – 5000 теңгеге бағаласа, 3 данасын – 10 мыңға, 6 данасын – 20000 теңге, ал, 12 билетті жеңілдікпен – 40 мыңға, 30 данасын – 100000 теңгеге саудалаған. Сатылған билеттерден түскен қаражатты өзінің карт-шотына және туыстарының шоттарына жинаған. 2023 жылдың 10 қыркүйегінен 29 қарашаға дейін сатылған билеттерден түскен қаражаттың жалпы сомасы 96 млн теңгенің төңірегінде.