Ер есімі – ел есінде! Үшінші мегаполисте Кеңес Одағының батыры,  гвардия лейтенанты Қарақозы Әбдалиевты еске алуға арналған халықаралық бокс турнирі басталды. 43-ші рет дәстүрлі түрде өткізіліп келе жатқан бокс бәсекесіне Өзбекстан, Қырғыстан, Тәжікстан, Украина, Түркия  және Қазақстан спортшылары қатысты. Сайыста  ел боксшылары негізгі құрамда өнер көрсетеді. Өйткені турнирдің маңыздылығы жоғары. Отандық бапкерлер, жарыс жолын сәтті аяқтап, жеңімпаз атанған спортшыларды Иордония астанасы Амманда өтетін Азия біріншілігіне алып бармақ.
 Мұрат Касимов – Өзбекстандық спортшы. 10 жасынан бері бокспен шұғылданып келе жатқан ол жарысқа тыңғылықты дайындалған. Айтуынша, турнирдің маңызы да дәрежесі де жоғары. Ұйымдастырушыларда мін жоқ, төршілер де әділ. Сөзінше, аталған турнир жас спортшыларға олимпида қатысушыларымен тәжірибе алмасып, шеберлік шыңдауға мүмкіндік береді.
МҰРАТ КАСИМОВ, ҚАТЫСУШЫ  
– «Жарыстың деңгейі өте жоғары деп айтуға болады. Көпттеген құрама командалар келген. Өзбекстан, Қырғызстан.. Әр мемлекеттен лидерлері келген. Сондықтан жарыс деңгейі жоғары.»

Жыл сайынғы дәстүрге айналған турнир, «Ірі жарыстар іріктеуі» - дейді Біржан Жақып. Биыл 43-рет өтіп отырған додаға бір кездері Олимпиада чемпиондары – Бақтияр Артаев, Васили Жиров, Ермахан Ибрагимов сынды мықтылар қатысқан. Биыл да бәскелелестік пен қатысушылар деңгейі жоғары. Турнирде, Париж олимпиадасының қатысушылары Сәкен Бибосынов, Махмұд Сабырхан сынды бірінші нөмірлі спортшылар бақ сынайды.

БІРЖАН ЖАҚЫП, ҰЙЫМДАСТЫРУШЫ
– «Олимпиадан кейінгі ең бірінші турнир ғой өтіп жатқан. Қазір жастарды іріктеп, ары қарай үлкен жарыстарға дайындалады»
 Дүбірлі доданы қала әкімінің бірінші орынбасары ашып, алғы сөз алды. Айтуынша, сайыстың жас өренге көрсетер өнегесі, тәлімі мол. Жарысқа сондай-ақ аға буын өкілдері шақырылып, жас боксшыларға сәттілік тіледі.

 ДАРХАН ҚЫЗАЙБАЕВ, ҚАЗАҚСТАН БОКС ФЕДЕРАЦИЯСЫНЫҢ ВИЦЕ-ПРЕЗИДЕНТІ
– «Көптеген әлем, олимпиада чемпиондары осы сайыста шыңдалып, үлкен жетістіктерге жеткен»

КСМ: Жарысқа қорытындысына сәйкес, турнирде үздік өнер көрсеткен спортшылар жүлделі орындардан бөлек «Үздік техника», «Жылдам боксшы», «Әділ төреші» сынды номинациялармен де марпатталады.