«Әнім - әлемім». Дәл осы тақырып аясында Ө. Жәнібеков атындағы ОҚПУ-нің Өнер және білім факультеті белгілі композитор, ғалым әрі журналист Бекжігіт Сердәлінің шығармашылығына арналған ашық тәрбие сағытын өткізді. 1,5 сағатқа созылған дәрісте ел ағасының көпке үлгі болған өмір жолы айтылып, әндері шырқалды.
Бекжігіт Сердәлінің көптеген әндері халық аузында. Өмірде де, өнерде де сан қырлы азамат тек журналистикада ғана емес, жаратылыстану ғылымы мен мәдениет саласында да аянбай тер төгіп келеді. Ел ағасы осы уақытқа дейін 100-ден астам ғылыми мақала жазып, 20-дан астам оқу құралын жарыққа шығарған. Құрметке бөленген сазгер ашық тәрбие сағатында студенттерге кітабын сыйға тартып, алғысын білдірді.