Шымкентте бес қабатты тұрғын үйден өрт шықты. Өрт кезінде 20 адам қауіпсіз аймаққа көшірілді.
 Қызыл жалын Әлімбетов көшесіндегі бес қабатты тұрғын үйдің екінші қабатындағы пәтерден шықты. Оқиға орнына шұғыл жеткен өрт сөндірушілер 2 адамның өмірін аман алып қалды. Құтқарылған азаматтар жедел жәрдем бригадасына тапсырылды. Сондай-ақ 20 адам қауіпсіз аймаққа көшірілді. Оның екеуі жеткіншек. Өрт 12 шаршы метр жерді шарпыған. Қазіргі таңда қызыл жалынның шығу себебі анықталып жатыр.