ЭЛЕКТРОНДЫ САУДА НАРЫҒЫ 3,7 ТРИЛЛИОН ТЕҢГЕГЕ ЖЕТТІ
Қазақстанда электронды сауда секторы ел экономикасының маңызды саласына айналды. Сауда және интеграция министрлігінің мәліметінше, соңғы үш жыл ішінде онлайн-сауда нарығы 50%-ға өсіп, 3,7 трлн теңгеге дейін ұлғайды. Нәтижесінде бөлшек сауданың жалпы көлеміндегі электронды сауданың үлесі 14,3%-ға артты.
Бұл саладағы негізгі қозғаушы күш – маркетплейстер. Танымал платформалар кәсіпкерлерге бүкіл ел бойынша миллиондаған клиентке тікелей шығуға жол ашты. Сатылымның негізгі үлесін гаджеттер, киім-кешек пен спорт тауарлары ,тұрмыстық техника мен азық-түлік құрайды. Тұтынушының тауарларын жылдам жеткізу үшін Астана, Алматы, Қарағанды және Ақтөбе қалаларында 5 жаңа Dark Store жобасы іске қосылып, ел аумағында 2 300 жаңа постамат орнатылды.