ЖҮКТІ ӘЙЕЛДЕР ТӨЛЕМДІ ОНЛАЙН РӘСІМДЕЙДІ

Қазақстандық әйелдер енді жүктілік пен босануға байланысты әлеуметтік төлемді үйден шықпай-ақ, мобильді қосымша арқылы рәсімдей алады.

Бұған дейін жүктілік пен босануға байланысты төлемді рәсімдеу үшін болашақ анаға Халыққа қызмет көрсету орталығына барып, қажетті құжаттарды жинап, өтініш тапсыруға тура келетін. Енді бұл қызметті онлайн жүзеге асыруға мүмкіндік бар. Өтінішті eGov.kz мобильді қосымшасы арқылы беруге болады. Жаңа жүйе жүкті әйелдердің уақытын үнемдеп, әлеуметтік төлемді рәсімдеу процесін жеңілдетуге бағытталған.