ТЕМЕКІ ШЕГЕТІНДЕР ӨКПЕ ОБЫРЫНА ТЕГІН ТЕКСЕРІЛЕДІ
Елде өкпе обырын ерте анықтауға арналған жаңа тексеріс енгізілді. Енді белгілі талаптарға сай келетін азаматтар медициналық тексеруден тегін өте алады.
Жаңа тәртіп бойынша тексерістен темекіні жиі тұтынатын 50 мен 70 жа аралығындағы азаматтар өтеді. Сондай-ақ соңғы 10 жылда зиянды еңбек жағдайында жұмыс істеген адамдарға да мүмкіндік қарастырылған.Мұндағы негізгі мақсат – қауіпті ауруды ерте кезеңде анықтап, дер кезінде ем бастау. Сондықтан белгіленген жасқа жеткен ел тұрғындарына медициналық тексеруден уақытылы өту маңызды.