ӨНДІРІСКЕ ҚАЖЕТТІ МАМАНДАР ДАЯРЛАНАДЫ

Түркістан облысының әкімі Нұралхан Көшеров «ORANO» компаниялар тобы Директорлар кеңесінің төрағасы Клод Имовенмен кездесті. Тараптар өңірде жаңа жобаларды іске асыру мен инвестиция тарту жайын талқылады.

 Кездесуде облыс әкімі жастарды керекті мамандықтарға оқыту мәселесін де көтерді. Ол үшін студенттерді дуалды оқыту жүйесі арқылы даярлауды ұсынды. Бұл жүйе бойынша жастар өндіріс орындарында тәжірибеден өтеді. Яғни болашақ мамандығының қыр-сырын меңгереді. Ал диплом алғаннан кейін дайын маман ретінде жұмысқа орналасады.